إهداء قصيدة للمجلس

قصيدة للشاعر/عثمان الامل

تداعـي ياهجـوس الشعـر لامنـه دعــاك الــداع
كنـوز ممتلكـهـا فــي الحـشـا مانـيـب خازنـهـا
اجـمـل لابـتـي فالمحتـضـر بالـجـزل والابــداع
عـقـود الــدر واللـولـو مــن الافـكــار اكـونـهـا
اعيف السهل واعشق كل قـاف لادعـي ماطـاع
واجيـب المـفـردات الــي تسـلـي مــن تمعنـهـا
طرات الشعر معنى مبتكر تطـرب لـه الاسمـاع
تسج النـاس معـه مـن الظـروف الـي تزامنهـا
وبعد شبه انقرض جزل القصيد الحر بالاجماع
واراضيـه جدبـت واعيونـهـا غــارت بباطنـهـا
ولاعاد امطرت بالمـاء سمـاه وخابـت الارمـاع
بعثهـا امـوات الاشعـار الجزيلـه مـن مكامنـهـا
بعثهـا الـي لصعـبـات الامــور الكـايـده طــواع
محمـد مـأسـس النهـضـه ورايـدهـا وصاينـهـا
محمـد يحمـده مستنجـده مـن جـايـر الاوجــاع
كـريــم مـدتــه شـمــخ جـبــال الـفـقـر تدفـنـهـا
جزيل المد سقم الضـد نـور البـدر فـوق القـاع
قـوي العـزم راعـي الهـزم والرحمـه بموطنهـا
مـلاذ الـلاج والمحتـاج بـاهـج مهـجـة الـمـلاع
يضو الروس فوق وروس من العالـي يطمنهـا
شبيه الليث غيـث المستغيـث معـدل الاوضـاع
شياطيـن البشـر فـي حضرتـه تتـرك تشيطنهـا
نسل زايد حكيم العرب دمث الخلق واف البـاع
عـسـى قـبـره تعـلـه غــر الامــزان بغشايـنـهـا
تفكـر وافتكـر فـكـرن بـكـر مـاقـط قبـلـه شــاع
غـفـال ماعليـهـا قـبـل وسـمـه وســم يرهنـهـا
وتخيـر لـه رجـال مامشـت بالغـش والاطـمـاع
ذممهـم مـع ضمايرهـم نزيهـه تنـطـق السنـهـا
فهـام بالـطـروق ويقنـعـون مخـالـف الاسـنـاع
اليـامـن جــاب لــه منظـومـة تـفـقـد تـوازنـهـا
واذا تـاه الدليـل وضـاع رايـه رايـهـم مـاضـاع
بنادقـهـم عـلـى النـيـشـان مايـخـطـي مقنـنـهـا
هذا القول الصحيح الواضح اللي ماعليه قنـاع
سمـا فـوق البرامـج شاعـر المليـون واحزنهـا
ولـو كثـروا نواقيـده عـلـى التلـفـاز والمـذيـاع
دروب الانـتـقـاد ثـنـيـن مـحــد ظـاهــر مـنـهــا
الاول ينقـده حقـد وغـرور وغيـض واستلكـاع
ويـاتـي لـــه بـحـجـه مـالـهـا شـــي يبرهـنـهـا
والاخـر كالنـبـات الــي لـنـور المشـرقـه تـبـاع
صبغـتـه بالـسـواد وهــو بــلا جــدوا يعايـنـهـا
روابـع والروابـع فـي تراكيـب العـقـول انــواع
حــد يـنـزل بـهـا واحــد عـلـوه مـــن تمكـنـهـا
ومنتـوج الكـلام الصافـي الـي ماعلـيـه اقـنـاع
سمـا فـوق البرامـج شاعـر المليـون واحزنهـا

الله الله الله
يعجز لساني عن مديح هذه القصيدة
عن جد قصيدة قمة في الروووووووعه
مشكور يا كحيلان وعساك دوم على هالتواصل
تخياتي لك

الله عليك تسلم يديك

مشكور على القصيدة وتقبل مروري

صح لسانك ياكحيلان

قصيدة قمه في الروعة

نمنظر المزيد من ابداعك

تحياتي لك