لاواعذاب الي تأخرزواجه @ وقضى نصيفه من حياته عزوبي
دايم وهو يطردلفلة حجاجه @ ورجله متعبهامع وساع الدروبي
مافيه دار الاوصله وداجه @ اما بدار الشام ولا الجنوبي
يتبع هوى باله ويتبع مزاجه @ ويعانق انسام الهوى والهبوبي
وان عاود لبيته وولع سراجه @ قام يتقلب على كل الجنوبي
تايه وطفشان مايعرف خراجه@ ويمكن تحمل فوق هذا ذنوبي
ماهمه الا الشله الي تواجه @ واكثر تواجهم بوقت الغروبي
يوم العرب تقلط على خير حاجه @ تلقى مجالسهم هياط وكذوبي
تعرف مجالسهم بكثر اللجاجه @ ومافيهم الي فاللوازم ينوبي
ليا هرجوا كنك بمجلس خواجه @ وليا انصتوا تسمع مواويل روبي
يالله دخيلك من دروب العواجه @ ويالله تحفظ عرضي من العيوبي
ترى حياتك يالعزوبي سماجه @ حتى الفتى فيها ماهو بمحسوبي
ترى العزوبيه مرض تلقى علاجه @ لااخذتلك بنت نصوب لعوبي
هذي نصيحه للعزوبي وتاجه @ من واحد قضى حياته عزوبي
موضوع: حياة العزوبي 
السبت 24 مايو 2008, 4:24 am
