سيد زمان الجور

صباح / مساء الخير ,,,,,,,
مع ارق التحايا ,, اطرح هذه الابيات عسا ان تجد في انفسكم ماتلامسه فتعجبكم
,


تــمنانـي مـــدام انـــه مــتـــاحٍ لـــك تـــمـنـــانـي
,,,,,,,,,,,,,, وحلـم بــي قبـل لارْحل واصيـر اسمـا مـن احلامـك

هــذاك اول ,, تـزعّـلنـي واحــــاول بــك ترضّــانـــي
,,,,,,,,,,,,,, وتتـركنـي واجـي يمــك واجـــي لاقْفــيـت قـدامــك

هـــذاك اول ,, تبيتنـــي عـلـى صــدك وتــجــفـانـي
,,,,,,,,,,,,,, واكفكف مع شروق الشمس دمعـي واتبـع اقدامـك

هذاك اول ,, تنــاظرنـي ويـذهـــب كـل مـا جــانـي
,,,,,,,,,,,,,, واصـدق نظـرة عـيونــك وهـي تلـــبسنـي اثــامـك

هـذاك اول ,, تعــاتبـنـــي وتـــامـرنــي وتنـهـانـــي
,,,,,,,,,,,,,, وانا اتْحمل لجل ترضى غــمــوض الطبــع وخصامك

هـذاك اول ,, تحـاكمنــي وأنـت الـمذنـب الــجانـي
,,,,,,,,,,,,,, واســايـر ثــورة جنـــونـك وانـفـــذ كــل احـكـامــك

انـا اتعبنـي زمان اول , وبصْنــع لــي زمـن ثانـــي
,,,,,,,,,,,,,, وياسّيـد زمـان الجـور , تحمـل نــقــص خـــدامـك

,, او انصت لـي وانا اتْكــلـم , اذا مــا زلت تهـوانـي
,,,,,,,,,,,,,, وفـكـر واستـشر عقــلك بعد ما تـغــمد حسـامــك

مـدام ايـامنا تركــض , ولــو طـــال الــعمـر فـانـي
,,,,,,,,,,,,,, تعال وجــرب ايامـي , وانـا اغـفـر ســالـف ايـامـك

تعــال بــعزتـــك طـايـــع انــا مـابـــي ترجــانـــي
,,,,,,,,,,,,,, ولا يسعـدنـي خْضوعـك , ولا أسعــى لإرغـامــك

ابيك اقــوى ابيـك اكـبـر , ولـكـنـك عـلـى حـانـي
,,,,,,,,,,,,,, ابي تحكي عن طموحك وتشكي لا الزمن ضامك

ابي اسأل وتسألني , وابـي تضحـك على شاني
,,,,,,,,,,,,,, وابي لاقلت لك اهـواك , تـعبـر لـي عـن هــيامـك

اذا يرضيـك دورنـــي , وتـــدري ويــن تلقــــــانـي
,,,,,,,,,,,,, وانـا لا جيتنـي شــاري , شــريتـك انــت والامــك

ولـك بفتـح دواويــن المشـاعـر لاجــل تقــرانــي
,,,,,,,,,,,, وخـط بصــفحـة الحاضـر بنــود الحــب باقــلامـك

واذا البعد , او زمان اول , اقول احسن لك انسانـي
,,,,,,,,,,,, وعذب نفسك بنفسـك ( اسيـر لسطـوة اوهامـك )