يا صاحبي من يشتري الصبر باعـه زحمة بشر والعالم اشكـال والـوان
|
ابي البضاعه بـس ويـن البضاعـه بضاعـةٍ ماهيـب فـي كـل دكـان
|
الشوق فـي قلبـي لا زاد اندفاعـه غنيت لي بيتين فـي خـدر الاعيـان
|
لان الغـلا زاد الـفـواد ومتـاعـه واللي مافي قلبه غلا ماهـو انسـان
|
لو انه يطلـع فالصـور والاشاعـه طلع لحبـه درب فـي كـل شريـان
|
القلـب بيتـه والحنـايـا قـلاعـه والاشواق روض وغالي الدمـع ودان
|
يا قووم يا ضمـة غـلاي وضياعـه لا قال يا لبيـه مـن قلـب ولسـان
|
انسى القصيد الجزل واكـره سماعـه واقول سمعني .. يالبيـه و جنـاااان
|
بسم الله الرحمن .. وش ذا القطاعه؟؟ قطعت بي وانا رفيقـك يـا سلطـان
|
يا صاحبـي سلطـان راع الوداعـه عيب على اللي يتقي عقب مـا بـان
|
والا اللكاعـه قسـم راع اللكـاعـه لا هو بـلا زود ٍ ولا هـو بنقصـان
|
لو ان قلبي كـل مـن جـاه طاعـه ما كان لي منهج وسيـره وعنـوان
|
عندي على كـل الامـور استطاعـه وبامكانـي اقـاوم نفـوذ المريكـان
|
يعني لو اني ابغيك في ظرف ساعـه اجيك يـا امـا صبـح والا مسيـان
|
لكـن انـا مانـي بضـد الجماعـه ما تدري ان الاصدقا حسبـة اخـوان
|
وما تدري ان افريقيـا فـي مجاعـه وان الخميني شايخ ٍ في هـل ايـران
|
وانا طباعـي مـا توافـق طباعـه شيعي ولد شيعي وخان و ولد خـان
|
وعلـم ٍ يجـي فالتلفـزه و الاذاعـه آيه ولا علم ٍ مـن فـلان و فـلان
|
اللي سوالفهـم مـا فيهـا طماعـه ما تشترى فالسوق بأخـس الاثمـان
|
فيهم على البغضاء حـب و جشاعـه واكثـر سوالفهـم نميمـه و بهتـان
|
والمشكله ماهيب خـوف و شجاعـه المشكلـه مـوت الحريـري بلبنـان
|
بليـر فالشـدات يـا طـول باعـه الراي عنده لحظة اصـدار الاعـلان
|
وان كان كل ٍ قـام ينفـض شراعـه كوفي انان يقول انـا كوفـي عنـان
|
وشبابنـا فيهـم بـرود وميـاعـه وبعض البنـات شـوي والا صبيّـان
|
هـذا زمـان العلومـه و الصياعـه واقفى زمان الروس خطلان الايمـان
|
لكن يـا سلطـان صـح فالجماعـه العمر رحلـه والسفـر فيـه مجـان
|
لا صار كـل ٍ نجدتـه مـن ذراعـه شيطانا يطغـى علـى كـل شيطـان
|
عليـك ترتيـب الهجـوم و دفاعـه وعلي جر الصوت في راس ما بـان
|
|
|
مسفر بوخشيم |
موضوع: شبابنا فيهم برود ومياعة .... وبناتنا شوي والا صبيان 
الأحد 22 يونيو 2008, 1:09 am
