ياخوي تدري من الضيقه وش اسوي

الســـلام عليكم ورحمه الله وبركاته


يا خوي تدري من الضيقه وشْ أسوّي؟؟
أشـق ثوبـي وأدوّر للنفـس مجـرى

يضيق كونـي ويظلـم يالغـلا جـوّي
وأتبع طريق الهوى وأضيّـع المسـرى

مبْطي ما شبيت ياخي للفـرح ضـويّ
مبْطي ما عيّنت حلـم الليـل والقمـرا

مبطي ولا شفت بارق رعـدي ونـوّي
مبطي وأنا تايهه في البحر والصحـرا

مبْطي وأنا اشوف خيط الحلـم متلـوّي
مابين لحظـة وداع وعيشتـن قشـرا

الله مـن خافقـن بالبـعـد متـكـوّي
قضت عليـه الليالـي زيفـن وغـدرا

من حر مابـه عروقـه قامـت تهـوّي
فـراغ جوفـه وهمـه فوقـه وحـدرا

يا خوي قلي من الضيقـه وش أسـوّي
لا صار عمري يروح وينفنـي صبـرا

وعليكم السلام ورحمة الله وبركاتة
صح لسانك ياخوي..
عسى هالقلب يملاه العافية وانا خوك ..
دمت يالغلا ..